Ministri i Jashtëm i Serbisë, Ivica Daçiq, ka thënë se ata janë duke respektuar marrëveshjet e nënshkruara në Bruksel.

Sipas tij këtë nuk është duke e bërë edhe pala kosovare.

Në mbledhjen e sotme të Këshillit të Sigurimit të OKB-së për raportin gjashtëmujor për Kosovën, ai ka thënë se Prishtina e ka thyer edhe marrëveshjen e 4 shtatorit të nënshkruar në Washington të SHBA-së, njofton Klan Kosova.

“Fatkeqësisht duhet të them se Prishtina e ka thyer marrëveshjen e Washingtonit për moratoriumin për njohjet”, është shprehur Daçiq.

“Dua të ripërsëris se Serbia mbetet e përkushtuar për dialog që mund të çojë në zgjidhje të qëndrueshme për Kosovën dhe Metohinë. Fakti që Prishtina është bashkuar në mini shengen është lajm i mirë jo vetëm për ekonominë por edhe stabilitetin e rajonit”.